De Kerkpruuveri-je van zondag 10 september 2017
| ’t Was al annekondigd de landelijke kerkpruuveri-je. In ’t hele land werden kerkgangers op-eroepen um es iemand met te nemmen naor de kerke. Daor hebbe wiej vanuut de ZWO an met-edaon. Ok ha’w de gelaegenheid um dizzen dienst in ’t dialect te doen. Netty Hengeveld uut Eibergen ging veur en den sprekt en schrif in ’t plat. Ok was d’r een gelaegenheidskwartet bestaonde uut Harriët en Ton Knoef en Rieky en Gert Hiddink. Die hebt veur ons 3 mooie lieedjes ezongen, eschreven deur Gert Hiddink. De dienst stond helemaole in het teken van gastvri-jheid “Komt d’r maor in” Met laezingen aover het bezuuk dat Abraham krig en aover Martha en Maria. Ok laezen Netty een verhaal van Herman van Velzen aover Aornt Peppelenkamp, waorin de Aornt op een slimmen maniere zichzelf uutneudigden. In de praeke kwam goed naor veuren hoe’w vanuut ons geleuf gastvri-j kunt waen zonder onszelf weg te cijferen. Laot niet iemand in een lueg huus kommen. Hierbi-j (klik op de b-jlage) ok nog de teksten van de leedjes die deur ’t koor ezongen bunt. |
|
||
|
|||
